Torra prō un'iscuta
a sa lughe 'e su mundu indeorada
cun sa pupia alluta
ch'istampat finas s'abba buluzada.
A l'ides sa ventana
in su palatu mannu 'e sos ammentos?
No b'imbatit caldana:
l'infriscan sos alenos de sos bentos.
Bi sun sos Santospedros
chi t'illieran da palas sas pighes
ābbilas e puddedros
léperes cun astores e perdighes.
Essende tue roca
ālvure o finas ornine in carena
agguantas fioca
cun sa ranzola cando falat lena.
|
Niunu no ti pedit inghirios de luna e de isteddos:
su tempus ti lu medit su firmamentu in chentumiza aneddos.
Nois semus sos rios nāschidos da sas abbas pioanas:
no timimus istios chi nos potan sicare sas funtanas.
Murmutos de padentes intendimus totora a piaghere cando su fenu in dentes si ponen sos murones chene mere.
|
