Sa mama, sa muzere e sa pizzinna sun sas tres galanias de Bambale:
si las ballat in laras, ninna-ninna,
che-i s'unda 'e su mare cun su sale. Ma prō chie sustanzia cumprendet ch'est faularzu est nōdidu'a sa chiza
ca si b'at interessu si lās bendet sa mama, sa muzere e-i sa fiza .
At s'arrejonu chi no rezet reu
mai sa veridade l'at connota:
no est unu Simone Cireneu s'assimizat a Giuda Iscariota. Narat: "Connosco su limbazu gregu prō disaogu lu traduo francu",
sende chi in cussa limba est mesu legu:
alfa cun beta no distinghet mancu. |
Pro fagher bider ch'at istudiadu impitat finamentra su latinu perō ca si nd'est mesu ismentigadu medas bortas trambucat in caminu.
Iscriet chene cabu e chene coa totu su chi li 'enit a sa mente ma est che cuba chi no giughet doa e su 'inu est lizeri e iscadente. Bambale jurat in subra s'onore e manc'una perāula muntenet ma si comente onore no nde tenet ;
sa jura sua est bōida 'e valore. Impastadu 'e trampa, 'e trampa pāschidu in nudda sa virtude l'est deghile: l'iscurigat a s'ora 'e s'impuddile comente chi no siat mai nāschidu |
