Animas torran
in seros fritos
in bidda borran
che seddalitos.
No mi nde nòmines
tristos eroes:
primu fun òmines
como sun boes.
Iscuru a chie
betan sa ‘oghe:
s’urtima die
colat inoghe. De bonu nudda
ischin apòrrere
jughet sa tudda
chie at de mòrrere.
Malafortuna
bentu e traschia:
no b’at peruna
pregadorìa
chi nos isfrachet
a s’impuddile
e chi nos tanchet
cussu jannile.
Murones tumban
subra Middai
e no arrumban
masedos mai. |
Sun chene mere
in sa pastura
an su podere
da sa natura.
.
Nemos lis sinnat
marca perun:
chie los ninnat
sun sole e luna
inue paschen
e si colorin
da cando naschen
e cando morin.
Pilu castanzu
an pro ammuntu
e no b’at banzu
ch’apat pertuntu
cussu manteddu
forte che sa rocca
ch’est un’aneddu
pro sa fioca.
chie est chi gherrat
in cussa ‘este?
Forsi cuerrat
anima areste.
Mizas de annos
de penetenzia
pagan sos dannos
de sa cussenzia.
Animas torran
in seros fritos:
in bidda borran
che sedalitos. |
